Filipino language -- Rhetoric -- Study and teaching, Filipino language -- Study and teaching (Higher), Filipino language -- History 

Inilabas ng Commission on Higher Education ang CMO No. 30, Series 2004 na nagtatakda ng pagbabago ng kurikulum sa kursong pangedukasyon kung saan may katumbas ding pagbabago sa asignatura sa ilalim ng General Education Curriculum. Kabilang sa pagbabagong ito ang mga asignaturang Filipino sa kolehiyo. Ang Filipino 1 ay nauukol sa Komunikasyon sa Akademikong Filipino katumbas ng Sining ng Pakikipagtalastasan at ang Filipino 2 ay sumasaklaw sa Pagbasa, Pagsulat Tungo sa Pananaliksik.

Bilang pagtupad sa naturang CMO, ang aklat na ito ay binuo upang makatugon sa pangangailangan ng pag-aaral ng komunikasyon sa Filipino sa kolehiyo. Ang aklat ay iniayon bilang panugon sa layon ng pag-aaral na mapaunlad ang paggamit ng wikang Filipino sa pamamagitan ng paglilinang sa kasanayan sa pakikinig, pagbasa, pagsasalita at pagsulat.

Binalangkas ang nilalaman ng aklat na nakatuon sa: .

1. metalingwistikang pag-aaral sa gamit ng akademikong F ilipino sa iba’t ibang sitwasyon at larangan sa paraang interdisiplinaryo at interaktibo; at

2. mga kaalaman at kasanayan sa pagsasalita, pakikinig, pagbasa at pagsulat.

Ang aklat ay pinamagatang Gandasulit sa Pakikipagtalastasan, na tumutukoy sa mga paghahanda para sa kasanayan sa isang masining, mabisang komunikasyon. Ang unang salita sa pamagat ay isang tribyut kay Teodoro Gener, dalubwika sa Filipino na unang nag-aral noong 1960 sa pamimili ng mga salita upang mapahusay ang pagpapahayag. Pinagsama ni G. Gener ang mga salitang ganda at sulit upang tukuyin na ang layunin ng ano mang pagpapahayag ay makasulit sa masining na paraan ng pakikipagtalastasan. At ito naman talaga ang nasa ng alin mang pakikipagpahayagan. 

Ill. ; 27 cm
Includes bibliographic references